Алматы облысы Талғар ауданы Т.Рысқұлов атындағы № 9 жалпы білім беретін орта мектептің 3 «А» сынып оқушылары. Сынып жетекшісі – Тауекелова Салима Мадреимовна

16.10.2018 0

Менің отбасым «Отбасы – шағын мемлекет » деген сөз рас екен. Менің отбасым да бір кіші мемлекет сияқты. Патшамыз – ол шаңырағы-мыздың ақылшысы атам....

Менің отбасым

«Отбасы – шағын мемлекет » деген сөз рас екен.
Менің отбасым да бір кіші мемлекет сияқты.
Патшамыз – ол шаңырағы-мыздың ақылшысы атам.
Ал патшайым – ол жүзінен мейірімі төгілген апам. Асқар тауым әкем – бәріміздің қорғанымыз.

Анам болса, жайдары мінезді жан. Бәріміздің жағдайымызды жасап,бәйек боп жүреді. Інім екеуіміз тура еркелеген құлыншақтаймыз. Өйткені, атам мен апамның, әкем мен анамның мейіріміне бөленіп өсіп келеміз.
Үлкендер бір-бірін сыйлап, тыңдап, бір-біріне сүйеу бола біліп, ынтымағы жарасқан тату-тәтті отбасының шаңырағын биік көтеріп келеді. Мен өз отбасымды мақтан тұтамын.

Көктем

Шуақты көктем шуағын шашып, алқызыл гүлдер қауызын ашып, жер-ана жасыл кілемін жамылып, айнала
әдемі түрге еніп, құлпырып сала берді.

Неткен сұлулық! Жанға жайлы жылылық! Жыл құстары да туған жерге қайта оралып, ұяларын түзеп,шарықтата ән салып, айналаны қуанышқа бөлейді. Сай-сала суға толып, жылғалардан сылқ-сылқ күліп су ағып жатыр. Мал төлдеп, қозы-лақтар шапқылап, балалармен бірге жарыса жүгіреді. Аспан ашық. Жанға жайлы жылы самал есіп, бетіңнен өбеді. Гүлдерден аумайтын әдемі көбелектер де далаға сән беріп тұр. Күн көзі табиғат анаға мейірлене қарап, барын сыйлап, құлпыртып-ақ жіберді. Енді қызу еңбек басталады. Бар тіршіліктің қайта оянып, жанданатын кезі осы көктем мезгілі деп білемін.