Мерекесі ұстаздың

Шапағат Тақаева – Қарағанды облысы Жаңаарқа ауданы Б.Амалбеков атындағы орта мектебінің 5 «А» сынып оқушысы

Мектеп – біздің анамыз,
Күнде білім аламыз.
Талмай білім алған соң,
Ынталанып барамыз.

Ұстазды біз сыйлаймыз,
Қоштасуға қимаймыз.
Мейрамымен құттықтап,
Раушан гүлін сыйлаймыз.

Әнұран

Көк байрағы желбіреп,
Тәуелсіздік елімнің.
Әнұраны шырқалсын,
Қазақстан байтақ жерімнің!

Тіл тағдыры

Тілім, дінім, мақтанышым, шаттығым,
Үнім барда пәк көңілде жоқ мұңым.
Қазақ болып, қазақ тілім болмаса,
Не етемін өзге тілдің көптігін?

Тілім, дінім самғасын, шарықтасын,
Самғаудан еш уақыт жалықпасын.
Өз алдына өмірден теңдік алған,
Ана тілім көгімде қалықтасын!

Жаса мәңгі – ана тілім, жан тілім!
Жаса мәңгі – дара тілім, жарқыным!
Көкірегімнен көтерейін ар туын,
Мәңгілікке нұрландырып жарқының!

Туған жерім – Жаңаарқам!

Туған жерім – құтты мекен, кең далам,
Көркің сенің көз тоймайтын көркем маған.
Шөбі шүйгін, суы мөлдір, жері құнарлы,
Сыбырлайды құлағыма жел самалы.

Сенде туған батыр, ақын, жыраулар,
Мекен еткен өзіңді де басқа ұлттар.
Ақын етіп, батыр етіп жаратқан,
Туған жерім, қымбаттысың сен маған!

Өзіңді аңсап, алыстан сағынамын,
Ойлап жүрген жолымнан жаңыламын.
Бұл сенің маған берген құдіретің,
Қайда жүрсем өзіңе табынамын!

Өз тілім

Ана жақын балаға,
Ана тілі – дәл сондай.
Салмақ салсаң санаға,
Мойындаймыз ойланбай.

Егемен ел азатпыз,
Ана тілмен – қазақпыз.
Өз тіліміз тұрғанда,
Өзгеге еріп мазақпыз.

Үйренейік көп тілді,
Алда тұрсын өз тілің.
Өзге тілдің бәрін біл,
Өз тіліңді құрметте!

Іңкәр Оспан – Іле ауданы
Чапай ауылы №10 орта мектептің 4 “Ә” сынып оқушысы

Менде де бар бір арман!

Мен өскенде боламын,
Ақ халатты абзал жан.
Мен өскенде боламын,
Үлгі тұтар сұлу жан.

Мен өскенде бір ғана,
Арманым бар ойдағы.
Ата-анам алдымда,
Ауырмаса болғаны.

Бақытты болып әрдайым,
Отбасым менің жүрсе еен.

Отбасым мына жалғаннан,
Еш уайымсыз өтсе екен.

О, ағайын ,тыңдаңдар!
Әркімнің бар арманы.
Осы арманым өмірде,
Орындалса болғаны.

Бітпейді менің арманым,
Ең бастысы осы ғой.
Армандарым өмірде ,
Орындалса болды ғой.